金寶書局網路書店

〈放火燒天〉

半世人袂順的浪溜嗹
恨天怨地，指天揬地
擋袂牢就放一把火燒天

代先是火燒雲
閣來火燒星，火燒月
煞尾日頭也變火烌
烏天暗地

浪溜嗹徛騰騰頓胸崁
這聲爽死啦，無人
我是皇帝，無天
我是上帝，無地
我是閻羅王

浪溜嗹大喝三聲
昏死佇無明的無無明
碎做三千六百萬萬塊
魂魄無底揣

天光矣，一年三百六十五工
日頭公照常佇雲頂的膨椅the

浪溜嗹，通常用來供體無頭無路、蕩蕩幌四界趖的人。毋過，這个浪溜嗹參人無仝，若一大群人意見足濟，敢若功夫攏誠厲害，浪溜嗹就共喙車起來，連嗯一聲都無。伊直直聽候逐家有話講甲無話，恬恬無半聲的時陣，就換伊大練特練，練憨話、練痟話、腫頷笑破腹肚皮毋免賠。
所致，佇蘭城公園的流浪漢、行棋阿伯、跳舞歐巴桑中間，流行一句話：「十支喙九隻貓一个浪溜嗹。」
浪溜嗹長期蹛佇蘭城市的中山公園、附近的地下道、公車棚，一寡流浪漢攏誠佮意伊，因為伊看起來仙風道骨，講話腫頷詼諧，詳細想看覓，閣會感覺誠有道理。尤其是，伊講文學論藝術兼逐時會吐詩，四界浪蕩幌的人有這款學問，予人聽甲會吐舌。佇公園出出入入的，攏講浪溜嗹是無仝款的人，看起來至少有濟公活佛的級數。這種風聲迥京城，也傳到官方的耳空。浪溜嗹有一工若別世，拍算會列入蘭城歷史名人。
這本冊對浪溜嗹的身世不明開始，紲落頭篇是一寡海花的出頭佮創治人的代治，第二篇是供體家己的命運兼做社會剾洗批判，第三篇討論台語文的推捒佮批判，第四篇藉家己學寫詩的過程佮觀察，剾洗詩壇奇怪的現象，第五篇是用宗教幻想佮荒譀來消敨苦慼的觸纏，回復純真。
【華語大意】 浪溜嗹，通常指無所事事四處遊蕩的傢伙。不過，這個浪溜嗹與眾不同，他在一群人各自炫耀本事之時會靜默不語，待大家已無話可說，就換他上場賣力演出了。
因此在蘭城公園一帶的流浪漢、下棋阿伯、跳舞歐巴桑之間，流行一句話：「十支喙（嘴）九隻貓一个浪溜嗹。」，流浪漢都特別喜歡他，因為他看起來仙風道骨，話語幽默詼諧又頗富哲理，還會談文學藝術以及寫詩，大家都認為簡直類同濟公活佛了。
這本書從浪溜嗹悲情的身世寫起，之後，首篇是寫放浪形骸的諸多言行，第二篇是自我解嘲兼社會批判，第三篇是討論台語文推動以及諷喻批評，第四篇敘說學詩過程及詩壇怪現象，第五篇為宗教奇想以及尋求解脫回歸自我的過程。

作、繪者簡介 王羅蜜多 　　本名王永成。曾獲台灣文學獎金典獎台語新詩、小說、散文創作獎,金鼎獎優良出版品推薦以及多次各類文學獎。 　　已出版華語詩集《問路 用一首詩》、《颱風意識流》、《解剖一隻埃及斑蚊》；台語詩集《鹽酸草》、《王羅蜜多截句》、《日頭雨》、《大海我閣來矣》、《台灣阿草:台灣史蹟草木台語詩集》；散文詩集《漂流的霧派》；台語短篇小說集《地獄谷》、台語散文集《斬薰蛇》等。 繪者簡介 封面插圖:馬尼尼為 　　馬來西亞華人。作品包括散文、詩、繪本,著有:《今生好好愛動物》、《多年後我憶起台北》、《帶著你的雜質發亮》、《我不是生來當母親的》、《以前巴冷刀.現在廢鐵爛》、《馬惹尼》、《我的美術系少年》、《馬來鬼圖鑑》等十餘冊。 繪本插圖:九方 　　文藻大學日文系畢業,畫畫寫小說兼翻譯工作,家中沒養貓的貓奴。