1.雉雞若啼（莊麗鈴唸詩）
台語文學兮跤步愈來愈響，台灣文學已經行入一個新兮時代；文學 語言落實台灣本土社會兮生活語，詩集《雉雞若啼》著是一本見證 ：這是台語母奶沃出來兮詩篇。黃勁連選定文學做伊兮空課來工作，投入台灣民族解放運動，伊平常時仔專心台語研究、讀台語冊、 用台語思考來創作台語歌詩。「喙講父母話，手寫台灣文」，伊兮 努力見證佇即本詩集兮台語用字用語：水佫活；真正是「寫詩吐絲 」，一絲佫一絲，針出絲網；一詩佫一詩，織成詩網，互儂欣賞， 互儂看樣學習。
2.南風稻香（黃湘雅唸詩）
「運動是性命，靜靜著是死亡」，詩人黃勁連無停咧運動；伊家己講伊卜「不時來運動，維持心臟兮跳動」，即本詩集，著是伊見證 、實踐伊兮運動哲學兮結晶。伊轉去鄉里，生活佇鄉親兮母語世界，用家鄉兮人、事、物來寫詩；嘉南平原兮草地，是伊創作兮源頭，詩底描寫田園景緻、出外流浪兮心聲、父母親情以及對人生兮體驗……，有酸疼、苦楚、鹹澀，嘛有糖甘蜜甜兮滋味，會使講遮兮詩是用真濟疼心所醞釀兮，是句句互儂感動兮。
3.蕃薯兮歌（趙天福唸詩）
黃勁連對偓促兮城市轉去嘉南平原，用文字創作參與台灣藝術性命兮開拓；對北京語回歸母語，喙講父母話，手寫台灣文，放膽文章拚命寫詩，用台語思考，寫台灣儂兮思想、感情，寫台灣儂心肝底兮夢。伊兮作品有五個主題：社會政治運動、生態環境、社會人文景觀、人物佮人生哲學，五個主題兮表現，攏非常之好。本土文學家胡民祥講即本詩集，用母語拼命創造出鄉里人物、鄉里美兮情、社會兮心脈佮生態人文景觀……。
台語文學兮跤步愈來愈響，台灣文學已經行入一個新兮時代；文學 語言落實台灣本土社會兮生活語，詩集《雉雞若啼》著是一本見證 ：這是台語母奶沃出來兮詩篇。黃勁連選定文學做伊兮空課來工作，投入台灣民族解放運動，伊平常時仔專心台語研究、讀台語冊、 用台語思考來創作台語歌詩。「喙講父母話，手寫台灣文」，伊兮 努力見證佇即本詩集兮台語用字用語：水佫活；真正是「寫詩吐絲 」，一絲佫一絲，針出絲網；一詩佫一詩，織成詩網，互儂欣賞， 互儂看樣學習。
2.南風稻香（黃湘雅唸詩）
「運動是性命，靜靜著是死亡」，詩人黃勁連無停咧運動；伊家己講伊卜「不時來運動，維持心臟兮跳動」，即本詩集，著是伊見證 、實踐伊兮運動哲學兮結晶。伊轉去鄉里，生活佇鄉親兮母語世界，用家鄉兮人、事、物來寫詩；嘉南平原兮草地，是伊創作兮源頭，詩底描寫田園景緻、出外流浪兮心聲、父母親情以及對人生兮體驗……，有酸疼、苦楚、鹹澀，嘛有糖甘蜜甜兮滋味，會使講遮兮詩是用真濟疼心所醞釀兮，是句句互儂感動兮。
3.蕃薯兮歌（趙天福唸詩）
黃勁連對偓促兮城市轉去嘉南平原，用文字創作參與台灣藝術性命兮開拓；對北京語回歸母語，喙講父母話，手寫台灣文，放膽文章拚命寫詩，用台語思考，寫台灣儂兮思想、感情，寫台灣儂心肝底兮夢。伊兮作品有五個主題：社會政治運動、生態環境、社會人文景觀、人物佮人生哲學，五個主題兮表現，攏非常之好。本土文學家胡民祥講即本詩集，用母語拼命創造出鄉里人物、鄉里美兮情、社會兮心脈佮生態人文景觀……。
